شاہِیاں رنگ رنگ آئیاں
ہزاراں ورھیاں تھیں،
مِیاں جی، نویں اساں وی کوئی نہ
ورھے گھٹو گھٹ لکھ ڈُوڈھ تے ہو گئے ای ہوسن
اسانوں ورھیاں نُوں،
آہو، اَوڑ ہنڈائی اے چنگی،
اُگ پل سڑدے بلدے آئے آں،
نہ مِیاں جی، شاہِیاں کولوں پانی نہ اساں لوائے
سہک ورھن دی سانوں ہریاں کریندی آئی اے
دھکے شاہیاں دے ہو گئے دھوڑے
دھوڑے ہو گئے دھکّے،
ترُٹ بھج اساں نہ تھکّے،
لِکھ لؤ مِیاں جی،
گھول توِیت وی پی لؤ،
خیر ہووے جے