کر گُلدستے صَوم صلاتاں
ون سوَنّے رنگ پھروا لؤ
بنھ دوالے ڈوری وِرد وظِیفیاں دی
چِھڑک سُگندھاں اُپر، کاراں وِچ رکھوا لؤ،
نِکلو ہائی وے تے
راہ وِچ ٹھاہراں اُتے ٹھہر کے
شیشے کھولو
بٹن گُھما کے اُچی واجے سُناؤ
آؤندیاں جاندیاں نُوں
مہنگیاں مشہوراں دِیاں گنویاں
قوالیاں نعتاں مُناجاتاں
وَٹّ سلاماں بٹوے بند کرا لؤ،
جِس ویلے ہو جاؤ وزِیر سفیر سَیکریٹری
بٹوے وِچوں کڈھ اوہ کریڈٹ کارڈ
جِنی واری چاہو کَیش کرا لؤ
انگ انگ نُوں عیش کرا لؤ
سِیٹ بہشتی پہلے ای بُک اے