جیہڑا وی آوندائے ایہو ای آہندائے
'جُپ پنجالی واہو گاہو
رکھو بندا1 بال بچڑ لئی
رہندا اساڈے کھتے دھرو
سرکارے تارئیے،
دسو جیہڑی سہولت چاہیدی اے
وقت لگے بھاویں تھوڑا بُہتا
مِل ضروری جاسی'
راتیں سُتیاں پیاں
اندروں اچرج واج سُنی اے پِچھلے پہر:
'اساں ٹھگیجے عُمراں دے
ٹھگ پگ کر اساں سرِیں بہائے،
ہُن سِروں پیروں تھی اصلوں واہنے
واہن گاہن اوہ کرنائے جیہڑا بندا اے'،
سُندیاں سار ای نِیندر اُڈ گئی اے
1- بندا= لوڑ مطابق-