اُنی سَو چالِیہہ دی گل اے
سانجھ اِکٹھ نُوں رَلنا ہا رگھبیر1
حُکم آیا تُوں ایسے گھر وِچ بند ایں ہُن
بُوہا ایہہ کِسے نہیں لاہونا
نہ کِسے ایتھے ہُن آنا جانا
جد تائیں اِکٹھ اوہ کِھنڈ نہ ونجے،
پنج گھر نالو نال ای سن
سانجھ اِکٹھ دے پِڑ دے کَنے جا مُکدے آہے
گھراں والِیاں پنجے رلیاں
جُڑیاں کندھاں وِچ کر مگھورے راہ اُدھل دا کڈھیونیں
اِکسُر ہو رگھبیر نُوں پار لنگھایا
وِچ اِکٹھ پُجا سہتیاں ہِیر ہوئیاں
1- رگھبیر کَور= وِیہویں صدی دے پہلے ادھ وِچ پنجاب دی مَل ویہار نابر ڈھانی دی اِک اگوان-