فرید بھنڈار

چَٹی جاندیاں پرانیاں چھتاں

نیانے ہتھ کنیاں دے

چَٹی جاندے نیں چبارے کلرے1

نیانے ہتھ کنیاں دے

چَٹی جاندیاں نیانے ہتھ کنیاں دے

اشتہار سنگاریاں کندھاں

چَٹی جاندے نیں چُبارے کلرے

نیانے ہتھ کنیاں دے

چَٹی جاندے نیں نویں ست مزلے

نیانے ہتھ کنیاں دے

چَٹی جاندے نیں مسالے اک ویہہ دے

نیانے ہتھ کنیاں دے

دُھر اندر نیانے  ہتھ ڈھلنے نیں

باہروں آگئے کلے دوکلے

ایہہ وچ رَس رلنے نیں

اساں دم ٹپری دا واسا

کنڈاں ننگیاں اساڈیاں اُتے

نیانے ہتھ نگھِ لوڑدے

ساری دھرتی اندر ٹپری دا

تے ویہڑے انبراں دے

ساڈے اندر وتر   جُرلاوے2

نیانے ہتھ فوج جوڑدے

ایہہ فوج تاں سَر پر 3چڑھسی

چڑھدے  چیتر رنگ کڈھسی

نیانی دب4کنیاں دی

1-کلرمارے 

2سر کدا محسوس ہووے

3-ضرور –لازمی 

4-دبا  ء –داب