فرید بھنڈار

]سُلطان بلَپَن1 دا بیلی2 اے تِیلے دا- وڈا ہویا، پوکھو3 مِلی تے وڈا وپاری ہو گیا- دیسو دیس پِھر کے کار وپار پساریوس4- جِگرو وی بلپن دی سنگی اے تِیلے دی- ہُن اوہدی ووہٹی اے[

جِگرو: تِیلڑ

تِیلا: ہاں جِگرو جانی

جِگرو: اج اُٹھی آں نا رتا5 سوختے، تے ایویں چیتے آئی اے گل

تِیلا: کیہڑی

جِگرو: تینڈا یار پُرانا سُلطُو کِتھے گیائے- کوئی ویلا ہا، تُسیں دوئے ہِک جِلد وِچ جُڑے ہوندے آہو- کٹھا کھاون پیون، کٹھا جاگن سَون- ہُن چِراں توں اوہدے ناں دی کھڑک6 وی نہیں سُنی

تِیلا: اوہدا ماما مویائے بے اولادا- اپنی ساری جدات7 سُلطُو دے ناں لائیوس، تدوکا8 اوہ مال منال وِچ ڈُبکیاں لاوندا، مُلکو مُلک پھریندا ساتھوں دُراڈا ہوندا گیائے- اسیں تے بُھلایا کوئی نہیں، پلو پل

ہسدا کِھلدا1 ساہویں 2 ہوندا رہندائے

]بُوہا کھڑک کے کُھل گیا اے- سُلطان اندر آیائے[

تِیلا: لے جِگرو، سُلطُو آ ای گیا ای

سُلطان: تے کیوں، آونا نہیں ہا

]اگیرے ہو تِیلے نُوں جپھی پائی اے، پھیر جِگرو دا متھا چُمیوس[

تِیلا: اینیاں چِراں پِچھوں؟

سُلطان: کیہ کرئیے تِیلڑ یار- رُجھ3 پاروں پل دی ویہل مِلے تاں آئیے

تِیلا: کافی ہو نہیں گیا دھن4 سُلطُو؟

سُلطان: اِک مستی جیہی اے یار، ہر دم چھائی رہندی اے تن من تے…… (دو پل دی اٹک)

کیہ گل اے تِیلڑ، گھابر جیہی تینڈیاں اکھیاں دوالے کیوں پئی بھوندی اے- کیوں، جے تھوڑ تُھڑ اے کوئی تے ہُنے مُکا دینے آں

• بلپن: بچپن- 2-بیلی: ساتھی- 3- پوکھو: وِرثہ- 4- پسارن: پھیلاون- 5- رتا: ذرا، تھوڑا-

6- کھڑک: اواز، کھڑاک- 7- جدات: جائداد، پراپرٹی- 8- تدوکا: تدوں دا-

تِیلا: نہیں سُلطُو- پتہ نہیں کیہ گل اے، جدن5 دی جپھی پائی اے تُوں، جاپدائے اندروں کوئی شے نِکل گئی اے- کاہل جیہی پئی پوندی اے

سُلطان: (اُٹھ کھلوتا اے) ایسے کارن تے مِلدا نہیں میں - پتہ اے مینوں تینڈی سُرت سار دا- دھڑکا6 لگ گیا اے تینوں، متے ایسے راہے سرک نہ آویں جیہدے تے میں پیا وگناں - پوری دُنیا تے بھونا پوندا

اے- تھاں تھاں تے کمپنیاں وِچ مِلنا پوندا اے سنگیکاراں 1 نُوں - ایہا جیہیاں ای رُجھاں رہندیاں نیں دِن پر رات- میں ہُن چلناں (نِکل گیا اے)

جِگرو: (اندروں پرتی اے) مُونہہ متّھا دھو آئی آں تِیلڑ- تُوں وی اُٹھ تے دھا

(تِیلا گیا اے اندر)

جِگرو: (گاوندی اے) ہتھ اساڈے

ہتھ اساڈے اجے تے ویہلے ای رہن دیو

بھاویں تھوڑے چِر لئی سہی،

اساں اندر خلق دے ویہر2 رچاونی اے

کیتی3 لاہا4 بنن نہیں دینی،

لاہے اُساری ملّ وِچوں کڈھ تُہانُوں

کراں پیراں تُہاڈیاں اندر

سہجل نِرت پرتاونی اے

(تِیلا دھا پرتیا اے)

تِیلا: جِگرو جانی تینڈے گاون نے اوہ شے پرتا دِتی اے- جیہڑی اندروں نِکل گئی ہئی

1- کِھلدا: مُسکاندا- 2- ساہویں: ساہمنے- 3- رُجھ: مصروفیت- 4- دھن: دولت-

5- گھابر: گبھراہٹ، چِنتا- 6- جدن: جدوں – 7- کاہل: بے چینی- 8- دھڑکا: ڈر-

جِگرو: تت ہا تینڈا کرنہاراں نال سانجھا، اوہ مُڑ آیا اے (دوئے نچ گاوندے نیں) ہتھ اساڈے

1- سنگیکار: ساتھی- 2- ویہر: اڑی، گل تے قائم رہن- 3- کیتی: کم- 4- لاہا: نفع، پرافٹ