مینہہ آوندائے
مینوں کردائے کلیاں
جیویں سمندر ہوندا اے کلا
جیویں پہاڑ دیاراں اندر پھرے ہوا
ڈلھکن جیویں ڈھیر دُراڈے تارے دا
مڑ آپے مینہہ مینوں آہندائے میں تے پانی آں
دل مینوں آہندائے اوڑک توں وی پانی ایں
پانی آپنا رستہ آپ بنا لیندائے
لُک لُک چوندیاں چھتاں تھانیں
وچو وچ پھسدیاں کندھاں تھانیں
بالاں دیاں ٹوہندیاں اکھیاں تھانیں
مینوں روڑھ کے کھڑدائے گلیاں اندروں
دَم دَم چڑھدے مٹی رنگے ہڑھ دے نال رلا دیندائے