مچے رات ہُن مچے رات
چکڑ پوچیاں چِھلڑ داج سجائیاں گلیاں
کُچھڑ کِھڈاون لارے
مچے رات سانوں دیہوں نیں بھارے
آپ کالِیاں جائے کالے
کالکھ تے اساں پان چڑھائیے کالی
مچے رات ساڈی کرماں والی
اساں دے رَلیاں چڑھیاں واہراں
جو چڑھیاں سو لتھیاں
کھوجن چِٹیاں ڈیلیاں والے
اسیں رات ساڈے بانے کالے
بَھلکے نمانیاں ہتھ سرداری
جَگ دی میل جیہناں سر تے چاتی
سو کرسن نِروارے
اسیں رات اسیں رتڑے تارے