فرید بھنڈار

اِکیج: مِس مِس کردیاں رہن وی تے ٹھیک نہیں نا

دُوج: تے کیہ اے ٹھیک

تریج: جو ٹُھکے

چَوتھ: ٹھیکے چڑھ جاوے؟

پنجوتھ: مِس مُس نا کر لیئے

چِھیوتھ: مَس کر کے بس نا کر دئیے

ستَوتھ: بس کر کے لِکھن نا لگ پوِئیے

ساریاں: کیہ

اٹَھوتھ: لیکھ

نوِیج: الیکھ؟

اِکیج: لیکھ الیکھ

سارِیاں: سلیکھ

(نچ کے) لیکھ الیکھ سلیکھ

آہا

لیکھ الیکھ سلیکھ،

اپنی کیتی اے ہزاراں ورھیاں دی

آؤ پٹ دئیے ہُن اِک اِک میکھ1

ٹھوکی ملوانی دی،

اَتے دمو دم مانیئے

رل سہجے وگدی

بھاگ2 سُہاگل3 ریکھ4

آہا

ساکھ5 سُہاگل ریکھ

1- میکھ: 1) کِل (میخ)، 2) نک دا گہنا، لَونگ-2 -بھاگ: حِصہ، سِیر، شیئر-3 -سُہاگل: سُہاگوان، خوش، سُکھی- 4 -ریکھ: 1) لِیک، لکِیر، 2) قطار، 3) قِسمت، نصیب- 5 -ساکھ: 1) عزت، وساہ، اعتبار،

2) گواہی، شہادت، 3) سبزی، ساگ، 4) شاخ، ٹہنی، ویل، 5) رشتہ، ساک-