فرید بھنڈار

''کون سی بھاء ایہہ ٹپری واسن

اُٹھ جیہڑی چلی گئی اے''

''ایہہ شرمو ای بِینیئے پِھینیئے

کدے کدار ای آوندی اے ہُن ویہل ہووے تاں 

جانُو پُرانی ہوئی

اِک دِن میں پچُھیا:

'آئے گئے دی شرمو سَو توں سُننی ایں آپ دھیانے

کدے جواب نہیوں دیندی،

ہس کے آہندی اے شَپ سَپ جی

نہیں چڑھ کوٹھے مندے اساں پرتاونیاں 

مندے بھلا سانوں کیوں تپاون

اساں ہاں آوی تاونیاں 

آوی اساڈی وچ شہر دے شہروں باہری

پل چِھن پک پک جِتھاں لہندے

ہوکے1 نانک شاہی

عشق دوارے جیہناں اُسارے

ڈھا جھروک چُبارے'،

''شرم تے بھاء کوئی اکھیاں اوہدیاں وچ اسانوں دِسی نہیوں''

''ایہہ شرم2 ہور اوہ شرم3 ہور

سائیں رکّھا تہانوں ایہہ لُہا کے اوہ پواندائے، نہیں؟

باقی ڈِکشنریاں دِیاں تُساں کنستراں ہوئیاں 

دسیو پھول کے بھیت مینوں وی''

1- ہوکے= اعلان (جمع)-2- شرم= لَج، جِھجک-3- شرم= گھال، محنت، اُدّم-