فرید بھنڈار

اساں کِسے نُوں

کدے نہیں آکھیا

ایہہ نہ کر

تے اوہ نہ کر،

آپ تے چَنڈاں جَردے1 ای آئے آں

وڈیاں دِیاں

تے ماسٹراں دِیاں سوٹِیاں وی،

خبرے ایسے کر کے ای ہوراں دی کُھل2 سُکھاوندی اے

تے اندر آس وی ایہا جگاوندی اے

نانہہ3 دی تے ہُن لوڑ ای مُک جانی اے

سارے جگ توں،

ہر دم ہاں 4 دی نِرت نے رنگ نویلے لاونے نیں

رل کرنی نے اوہ اَن مُک سواد چکھاونے نیں

1- جرن: سہن، برداشت کرن- 2- کُھل: آزادی- 3- نانہہ: انکار- 4- ہاں: اِقرار-