فرید بھنڈار

ست وار کرا لؤ توبہ

گل اساں ہِکا ای کرنی اے،

ستاں دے اَٹھ تے اَٹھاں دے سٹھ بنا لؤ

تاڑُواں1 دا وڈا اِکٹھ سدا لؤ

جو وی سِر پئی بھرنی اے

کیہ توہے لعنت2 کیہ سوبھا

کیہ تر تاری کیہ ڈوبا

گل اساں ہِکا ای کرنی اے،

لؤ سُن لؤ ہے کیہ اوہ

درب3 تُہاڈا جد تائیں اوہ نہ تِھیوے

جو اوہ ہے اصلوں

کیتی لوکیری4 لوک نُوں مُڑ نہ ڈِھیوے

وِس5 وِسورے6 اندر تہاڈے

ڈھلنوں نہیں ٹلنا،

گل اساں ہِکا ای کرنی اے

سٹّو جیل

توڑے پُٹھی کَھل لہا لؤ

1- تاڑُو= 1) کھوجی، جاسوس، 2) قید بند کرن والا- 2- توہے لعنت= پھٹکار- 3- درب= مال دولت، سرمایہ- 4- لوکیری= لوکیر دی (لوکیر= خلقت، لوکائی)- 5- وِس= زہر- 6- وِسُورے= وِسُورے نے (وِسُورا= چِنتا، بے وساہی، جھورا، دھڑکا)-