فرید بھنڈار

دُھوں دے گُپھے1

رُکھاں دے پروار تھئے،

گَوہ گویڑو

گُپھّے نیں اکے گَپھّے2

چاڑھے نیں جیہڑے مِلکھ دیاں منڈیالاں 3

متے جنگل منگل دا انگ ہو رُکھڑے

وسا نہ بَیٹھن ویہر مواس

ڈھیری4 ہو جائے ساڈی آس،

نہیں پر

ہُن سہی تھیا اے سانُوں

وڈّھی نہیں رُکھاں نُوں پوہنا5

تھیا اے ضروری ایہناں نُوں

بالن بناون واتے6 کوہنا7

1 -گُپھا: 1) گُچھا، 2) غار، تہہ خانہ، 3) جنگل بیلا، 4) سریر-2 -گَپھا: دولت، پیسہ-گَپھّا چاڑھن: رشوت (وڈھی) دیون- گپھا مارن، قابو کرن، جپھا مارن- گپھن: قبضہ کرن، لُٹن-3 -منڈیال: منڈی دا مالک، بندوبستی-4 -ڈھیری: قبر-5 -پوہن: اثر کرن-6 -واتے: واسطے-7-کوہن: قتل کرن-