جدوں پڑھدیاں پڑھدیاں بَتّی اِکدم چلی جاوے
تاں سمجھو موقع بنیا اے
پڑھیا ہنیرے دَھر ویکھن دا
سمجھو ہنیرا دیوا اے، وچ دُکھ سانجھے دا تیل تے سانجھی آس دی پُونی،
جیہدی لاٹ نمانِیاں اکھیاں اندر جُگ جُگ پئی جگی اے
یا بُجھیاں حرفاں جُڑ لِکھوائی لِکھت ہنیرا سمجھو
موقع بنیا اے
بَتّی آون توں پہلاں ایہنوں پڑھ ویکھن دا
بَتّی آئی تے جو ہنیرے پڑھیا اے
اوہنوں کر ویکھن دا سمجھو موقع نِکل گیا
بَتّی آئی تے جِتھوں پڑھنا چُھٹیا اوتھوں ٹُر پینائے