فرید بھنڈار

‘‘موچ کیوں آئی رہندی اے تینوں پیراں وِچ سومِیئے’’

‘‘پَیر وِچ میاں جی

پیراں وِچ نہیں’’

‘‘کیہڑے وِچ’’

‘‘کدیں کھبے کدیں سجے،

آئی نہیں رہندی میاں جی

آوندی جاندی اے’’

‘‘مینوں تے اِک واری آئی او سومِیئے

مُچ خراب ہوئیاں

لگے موچ موت دی جھاتی اے خبرے بندے ول’’

‘‘موچ روس1 اے پیراں دا

کیوں بھار بگانا چائیے اسیں،

سمجھو اوہناں دا چارا اے

اپنا آپ اُدھارن2 دا

میاں جی پیر تے آہندے جے سانوں موچ حیاتی اے

1 - روس= رُسّن، روسا، ناراضگی، شکایت، غصہ، پروٹسٹ-

2۔ اُدھارن= آزاد کرن-