فرید بھنڈار

لمّے سفر توں آئے او یارو

دُھپ چھاں چنگی ہنڈائی جے،

بھَوندیاں ستاں زمیناں اَتے اسماناں تے

کِتے ڈِٹھا جے اگم1 پہاڑ کھڑا اوہ،

دُدھ پتھری کوئی نال لیائے او؟

ذرا جیہی جَھسّ اوہدی سُنیائے متھیاں اُتے

چا بہاوندی اے غار دی جھولی

سڑکاں تے سُتیاں بالاں نُوں،

جاگ اُتھائیں واہوندے نیں اوہ

جی جناور دی مُورت اچرج،

پرت اُتھاؤں نالدیاں نُوں

جِیون ہور سُجھاوندے نیں

1- اگم= 1) چلدا نہیں، قائم، اَتِھر، 2) اگے آون والا، اگوار وِچ، (اگلے ویلے)-