''کیہ پئی کرینی ایں''
''جُل تُوں میں آلُو چِھل کے آونی آں''
''چِھلّڑ جیہڑے اساں لاہونے آں
سبزِیاں پھَلاں دی کَھل ای ہوندی اے''
''بندے دی کَھل تے سزا دیون لئی لاہی جاندی اے’’
''ایہناں نُوں وی خبرے سزا ای مِلدی اے پئی
بے سُدھاں دا رِزق بنن دی''
''بندے دی کَھل دے اندر تے ہڈ ماس تے رت ہوندی اے
تت ست اوہدا،
پھَلاں سبزِیاں وِچ تے رت کوئی ہوندی نہیں''
''بی،
بی ای تت ست ہوندے نیں اوہناں دا''
''آلُو وِچ تے بی نہیں ہوندا''
''آلُو آپ ای بی اے اپنا پُورا،
ہڈ ماس وی رت وی''