روز دا راہ اے،
ڈاراں اوہناں دِیاں
لنگھن ہر ویلے کولوں،
وِچ وِچ جنی وی وِرلی وِرلی،
اِک دِن اِک نُوں موچ آئی اوہ بہہ گئی،
بہہ مَل پَیر میں پچُھنی آں تُسیں کون قوم او
سی سی کردی رُک رُک بولی:
''ایہہ نیں مِیٹی مُٹھ دے پراہونے
بھج بھج آونے تاڑ کے دُوروں
آپے ڈرنے آپ ڈراونے
تھینے چَون پنجَونے پل پل
سُتے جاگنے جاگدے سؤنے''
''تُوں ایہناں وِچوں نہیں؟''
''اچنبھا موچ آئی اے
ہتھ تیرے کُنڈی کھڑکائی اے،
’نِکل بہہ
ہُن تُوں ایہناں وِچوں نہیں'' ‘