لِکھنتاں
ڈھل پتراں توں
پتھراں نال پلَمِیاں
کیونجو
ہِردے
منساں دے
پتھر تھیون لگ پئے آہے
اوہناں پتر چَرن چھڈ
پتر اُگاونہاراں نُوں کھاون جھویا ہا،
اگے واء ورکھا
پتراں نُوں نِت سجریندی آہی
ہُن پتھراں تے اُکرے اکھر بِرتھے گئے،
لِکھنتاں وت پتراں ول آئیاں،
ایہہ پتر سہج سرے ناہے
آہے منساں سارے
دِیوے مَل گُل کیتے،
وِچو وِچ اکھر کُجھ اُدّھر ایہناں توں
ہُل دے بُل تھیے
نینہہ سروور کُھل مِل اوہناں پیتے