''ودھیا'' سوہنا
''گھٹیا'' کوجھا
سچ کُوڑ دا تول وی ودھ گھٹ ہی اے،
اساں کیہ کرئیے
پچُھو بولی نوں اوہ تے ایہا آہندی اے،
لؤ میں کیہ کراں
میں تے تہاڈی جائی مائی ویائی
بھانڈا تہاڈے ٹوہن چکھن دا
سُنن ویکھن بولن دا ہوئی،
آہنے آں تُوں گیڑ گویڑ نا کجی ولائی تجی بھُلائی اپنی ہُن
سانوں سار ہووے
کیہ ودھ گھٹ ای سچ جُھوٹھ ہا مُڈھوں؟
ہس آہندی اے
کیوں؟
نیتی کَھلے ہو اپنا آپ پرتاون دی؟
تاں تج بھُلاؤ ودھ گھٹ والی کرنی اپنی
کج ولائی اپنی ہوند وساؤ مُڑ نالے میری وی،
سانجھی تِھیوے کیتی سبھ دی
سچ وت دان ہووے،
سہج سبھائیں ہُلدی پرِیتل واس
ہووے سُجان اِک دُوجے دی