چھمک نِم دی کنڈے لا کے
مُڑدی اے پئی چنانہہ،
جھورا چھمک دا بھال
گُھمردی کہندی اے
''بہہ تُوں بُوہے،
وِچ تینڈڑے ہاں جدن تائیں ہاں،
آئیاں کِتھاؤں
ویندِیاں ہاں ہُن کیوں کِتھائیں پئیاں
ایہہ اساں نَیئِیں نوں آپ خبر ہُن ناہِیں،
انگ نچوڑ اساڈے
جو وِچ پئے بھردے نی
اوس ہوون اساڈا
اَن ہوون کر چھڈیا اے آہر وچار بُھلا،
گل اکدوجے نال ایتنی وی
کرن والے نہیں دوالے ایہناں دے
'ویکھو ایہناں نوں، اپنا آپ پرایا کِیویں پئے کردے نیں'' ‘