فرید بھنڈار

''ماواں ای سُنیاں نیں

گھولی صدقے واری ہوندیاں

دِھیاں پُتراں اُتوں،

پیو نہیں کدے سُنے،

آہندے ہوسن چنگا اے صدقے ہوون

ایہہ کار اساڈی توں،

ہور اتبار کیہ ایہناں دا،

اپنی کار نُوں لیکھے لا کے

اپنی کمائی ودھاون دی سوچے پئے رہندے نیں''،

''ایہہ تے سُنیاں چروکیاں ہوئیاں نیں،

جاچو

متاں کوئی ہور وی گل ہووے اوہلے ایہناں دے،

ہے جے اِتنی تاں وی وچارو

سُوتر کیویں ایہہ کُھلنے نیں بدّھے چِرکالے1،

تن من کِیکن سجری گڈِیجوں 2 اُگ پھُلنے نیں

1- چِرکالے= چروکے زمانے دے- 2- گڈِیج= بِیجن دا عمل-