جو آوے جو جاوے ویڑھا صاف رہے
نہ کوئی مالک نہ کوئی ٹالک1
پِیر پیغمبر صوفی سالک
جھاڑُو ہوئے آں اج دیہاڑی
پِھر شامِیں ٹُر جانا اے
ککھ تِیلا ساڈا ماف رہے،
ویڑھا تے ناں اے
ہے تے ایہہ نَیں،
جیہڑی جیہڑے دا بھیت نہیں ٹِھلّنہاراں وِچ
نہ سیّد سرداراں چُوڑھ چماراں وِچ
نہ کوئی تَیں نہ مَیں،
در دربار نہیں ایہہ اندر
باہر وار وی ایہو ای اے
آر وی ایہو پار وی ایہو
ایہا ای منجدھار وی اے،
ایہہ تاں ہوئیاں گلّاں
آکھن کرن تے اِکو ای ہویا
وکّھر وستر لاہ کے آونائے
پا کے جانائے جڑھ پوری پروار سہج ننگ،
نانہہ لے آؤ نال بُہاری
مار تِھیو ہاں، جاؤ
1- ٹالک= ٹالنہار-