اُپروں بدامی تھلیوں بگّا بلونگڑا
آ بہندا اے پیراں وِچ
سُنگھدا اے پیراں نال گھسڑدا
جانے مان کریندا اے،
شَوکے خاں ترکھان دے پیریں پیائے
تے اوہنے لت وگائی اے،
''مارو تے نانہہ نا''
''اوس ویلے
بتی رپیئے حق مہر ہا
اج بتی ہزار اے بتی لکھ اے بتی کروڑ اے''
''کیہڑے ویلے''
''جدوں کنڈ ایہدی تے پِیر پیغمبر ہتھ پھیریندے آہے''
''بتی تدوکا اج دا لکھ کروڑ ای ہا
پر ایہہ سمجھاؤ نا ودھیا حق مہر
کیوں ہتھ ساڈے نوں ایہدی کنڈ تے پِھرنوں پیا روکیندا اے''
''حق مہر تے ایویں مثال ہوئی
پِچھے کوئی زہر قہر اے
جیہڑا ہتھاں پیراں وِچ لتھ پیا شہر چلیندا اے''