سطر فریدی آئی کافی وِچ
''توں کُلی توں کُل''
معنے عربی فارسی نِترے
تُوں مُکمل تُوں کامل،
پڑھ تے ایویں وی ایس سطر نُوں سکدیاں ساں
آپ جُھگی وِچ آپ ٹابری،
تے اگلی سطر ''باغ بہشت دا تُوں ہیں مالک''
وِچ مالِک نوں مَلّن ہار دی جائیں
مَلَن ہار وی کر ای سکدیاں ساں
رنگ کار،
مَلّیا تج کے رانجھا جیویں
نینہہ دا تھیا رنگ کار جگت دا سانجھا،
ایہہ سَک1 دھریندی نالو نال ای پئی اے کافی
اندر اساڈے
کرائے کِیتے نُوں ان کِیتا کراون لئی اساتھوں
1- سَک= بَل، طاقت، سکت-