فرید بھنڈار

کَس کَس مارو چنڈاں

بَینتاں1 نال کراؤ کنڈاں لال

توڑے2 کھوالو کھنڈاں

ایہناں ٹلنا تے نہیں،

ہور سراوُاں3 وی رلنا اے نال

لاہ اساڈا پِیڑھیو پِیڑھی مڑھیا وکِھیجل4 ونگ5

ایہناں گال اسانُوں گلنا اے

1- بَینت= بید، پتلی لچکدار پکی لکڑ جیہدی سوٹی سزا دین واسطے ورتی جاندی اے، کین سٹِک-

2- توڑے= بھاویں- 3- سراوُ= اپنی کار نُوں توڑ چاڑھن لئی سردی کرنہار-

4- وکِھیجل= وکھرپ دا، وکھرا (وکِھیج= وکھریواں)- 3- ونگ= اختیار، قبضہ-