‘‘کملی تے نہیں تُوں
ایہہ کھمبا بجلی دا
پکی سڑک تے لگا
تُوں ایہدے وِچوں اُگ آئی ایں
کہ ایہہ گملا اے اندروں تیرا
مُودھا ہویا؟
پتہ نہیں بجلی والیاں نوں قد پئی کڈھنی ایں؟
میرے نالوں ہیں اُچی ہُنے ای
جد ودھیوں تھیا گملا سِدھا
تاں تیرا کیہ بنسی؟’’
‘‘وے اڑیا
ایہناں سوچاں وِچ پیئے
تاں اُگیئے ای نہ،
رات ساری جو بجلی بند اے
اساں نیامت جاتی
جو کم اے اساں تے اوہ کرنائیں
پٹ دین ایتھوں، ہور جہان بتھیرائے’’