فرید بھنڈار

اسیں اِلّاں نُوں پچُھنیاں پئیاں

نی سارا دینہہ اسمان اُڈاری

ترکالے1 کیوں بیٹھ سفیدے

ڈولدیاں ہو، پتلِیاں چھمکاں اُتے،

آہندیاں نیں

ایہہ تُسیں پچُھو نا اِلڑاں نُوں

آہلنا جِتھاں وی پاونیاں

ٹُمب2 ڈھاوندے نیں:

''یہ بوڑھ ٹالیاں شجر3 فلک زدہ4

ناؤ5 فراموش کرو6

ہم فلک سَیر7 ہاں، فلک محل8

اَون9 یُوکلِپٹس10 سوِنگ11 کرو اینڈ12 شب13 نُوں سحر14 کرو''

1- ترکالے= شامِیں – 2- ٹُمب= ٹھوکر مار کے- 3- شجر= رُکھ – 4- فلک زدہ= غریب، مُفلس، کنگال- 5- ناؤ= Now= ہُن- 6- فراموش کرو= بھُل جاؤ- 7- فلک سَیر= تیز رفتار- 8- فلک محل= اسمان تے رہن والے- 9- اَون= On= اُتے- 10- یُوکلِپٹس= انگریزی سفیدا- 11- سوِنگ= Swing= جُھوٹو- 12- اینڈ= And= اَور، اَتے- 13- شب= رات- 14- سحر= سویر-