پِیل1 وِچ متاں چھوہ رتڑی ہے
متے ساولی وی،
اکھ مینڈڑی وِچ
بَھے تینڈی پتِیل2 جوگی نِیجھ نہیؤں،
پوٹے جیڈ ہیں تُوں،
تیکوں ڈال تے ہی
لنگھ ٹوہیائے سُگندھ نارنج کِیتے،
آہی ٹوہ مینڈی وِچ موہ متے
تُوں ڈال تُوں ڈھل تلی آن ہیں پئی
خبرے پئی کہ پیا
خبرے ہِک جاں کئی
تھوک3 تینڈڑے دی میکوں رِیجھ نہیؤں،
ہے تے مان ایہہ وی متے چھوہ مینڈی تیکوں گئی اے پوہ
(ایہہ گمان تاں پالدے آئے ای ہاں
اساں کرماں کُوں دھرم بناونے لئی)
تَلی توں
تے نِیل اسمان اتھاہ
ہِک پل تے ایتنا سہی تھیائے
ہیں جو وی تُوں
سنے رنگاں دے ہیں تاں نِرنجنی ہی
]وارث رن فقیر تلوار گھوڑا چارے تھوک ایہہ کِسے دے یار ناہیں[
- پِیل= پیلا رنگ- 2- پتِیل= مہِین- 3- تھوک= جِنس، ہوند دی قِسم، جِنس اِکٹھ، اَینٹٹی-