”وگوچا لگنا پیا“
”کِس گل نا“
”پتہ نہیں“
”ایہہ پتہ بُھلاون کان ای تے
دینہہ رات ڈھنڈورے پِھرنے نیں“
”پتہ لگ گیائے“
”کِس گل نا“
”وگوچے نا،
مُڈھوں ڈھولئی ہاسے
سانگی وجا اساں سنگ کی ونگارے سدنا،
جنی مھاڑی جاگو جگاونی،
وت بھوئیں ہوئی بھوئیں والاں نی
اساں بھوئیں والاں نی جنج تے ڈھولئی تھی گشے
جنی مھاڑی گھر اوہناں نے ڈھولکی وجاون لگ پئی
وگوچا مُکنا پیا
اس ہُن وت ڈھولئی نوِیں ونگار نے ہاں“
وگوچا= 1) دُکھ کِسے شے نُوں گواون دا، 2) تُھڑ، گھاٹا- پِھرنے= پِھردے- نا= دا-
ڈھولئی= ڈھول وجاون ہار- سانگی= اِک تال ڈھول دی- مھاڑی= میری- کی= نُوں -
تھی گشے= ہو گئے- نے= دے- جاگو= جنیاں دا میلہ جیہڑا اوہ رات جاگ کے لاوندیاں نیں -