فرید بھنڈار

دُوئی تینڈی مینڈی

جاں ڈھل گلوکڑی سَت ترِیج تھی ویندی اے

سہج سبھائیں لہہ چَونہہ کوٹِیں

جنی کھنی نُوں کہندی اے:

سمؤ مینوں تُرِیا کرو،

جیہناں سُپنیاں پاڑیا خلق نُوں

کَھنڈ کر سِریں پکھنڈ چوائے،

کھڑو نیں سکُھپت وِچ،

لاہ اُچھاڑ شناساں دے

کُل پنجھالی درشن دی اوہ

چُپ اچنبھا مانن

جاگرت، سُپن، سکُھپت، ترِیا  (خواجہ غلام فرید)

(سُرت دِیاں چار حالتاں)- 1- جاگرت= جاگدے ہوون- 2- سُپن= اوہ نیندر جِس وِچ سُپنے آون- 3- سکُھپت= 1) گُوڑھی نیندر جیہدے وِچ کوئی سُپنا نہیں آوندا، 2) سُرت دا کُل اکائی نال میل تے ہو گیا ہوندا اے پر اوہ ایہنوں ظاہر نہیں کر سکدی- 4- تُرِیا= 1) سُرت دا کُل اکائی نال میل جیہڑا اوہ کُھل کے ظاہر کردی اے، 2) پُوری مکمل سُرت-