]نظام گھوڑی تے قصُور دے راہ- مگروں دُڑکی لاوندا باہوڑ پیا اے جبرو نائی[
جبرو: جاموں گھر گئیاں تُوں کوئی نہیں - بھاکو ماسی ول ہوئیاں، دسیوس ہُنے نِکلیا ایں
نظام: بس اپڑن والے ای آں - ہُن راہ سُکھالا ہو گیا اے
اگوں اِک جنی مونہہ سِر ولھیٹی دُڑک پئی آوندی اے-)
جنی: میں آں پرنیتو نظام- مینوں بھاکو دا سُنیہا مِل گیا ہئی تُوں نِکل پیا ایں
نظام: تُدھ مینوں کیویں پچھاتا میں اوہا ای آں؟
پرنیتو: تک مینڈی تے بھاکو دی وتھیکی نہیں نظام…… دسن میں آئی آں پانڈوکے ہُن کوئی نہیوں - اوہ تریوے نٹھ گئے نی- پِچھلیاں اوہناں دیاں زِویاں شاہُوکاراں دے ناویں لوا دِتیاں نیں - پِچھلا قرضہ ماف- تُسیں مالک، ہُن اگلا ہالا آپ نتاریو- اساں اپنے ٹُکر جوگا رکھ کے کیتی تہاڈا لاگ کر کے اگے پئے دھریساں تُہاڈے-
نظام: ایہہ جبرو ای مینڈا سنگی بالپن دا پرنِیتو- (جبرو نُوں) اساں جبرو ہُن پِچھانہہ پرتنا کوئی نہیں - کیہ کرنائے، کیویں، ایہہ ہُن ویکھنے آں
پرنیتو: آؤ گرائیں جُلنے آں - مینڈی تے جھاکو دی سوچی سُن گِھنو اگوں جیویں دِل آکھے-
نظام: جُلو
(سارے کھبّے مُڑ کے کچے پاہے پے گئے نیں)