فرید بھنڈار

پتر تُوں ہیں پترِیاں 1 والا، (پترالا2 نہیں)،

کہ آلہ3 ہیں

پتریاں جِتھاں وسیندیاں نیں،

پال4 سائجُ5 دی ہیں

کہ ناڑ نال ہیں نِیر6 سِیر7 دی،

ہیل8 دی چھوہ نال ہلن تینڈا

فریدی ارتھ پوتھ9 دے پَنّے اُتھلدا

اساں پڑھ پُختاں لِکھ لوڑھاں نُوں

الفوں بے دا بےاوں الف دا پندھ کرائی آوندا اے

1- پَتری= نِکی پتّی ]کوئی حاضر ارتھالی (جیہڑی ایتھے حاضر اے ایس ویلے) پتری دا ایہہ مُڈھلا ارتھ نہیں دسیندی- مُڈھلے ارتھ، خاصکر نار لفظاں دے، ہور ویہاری لوڑاں دے ریلے وِچ گواچ جاندے نیں [-2- پترالا= پتراں والا-

3- آلہ، آلیہ= گھر، رہن دی تھاں – 4- پال= 1) پالی ہوئی، 2) قطار- 5- سائجُ= اِکو جیہا، برابر، ہوون- 6- نِیر= پانی-

7- سِیر= سانجھ- 8- ہیل= سویر دی نِمھی، ٹھنڈی واء- 9- پوتھ= پوتھا، پوتھی-

ایہہ جو جنگل رُکھڑے ہرئیل پت تنہاں

پوتھا لِکھیا ارتھ دا، ایکس ایکس مانہہ

(فرید)