وتر کیاری
وٹ پنِیری
چاء رَمبی نال چپّہ مِٹی
دَھر گاچی اُتوں مَلی میں پوٹے نال
گُھٹ پانی دا رَچیائے
سجیؤں اِک بزرگ جیہا پرچھاواں کھنگیا
‘‘سُک سڑ جاسی
لگی لگائی اوّل ڈنگر مِدھ کھاسی’’
کھبیؤں اوہا جوان تھی مُڑیائے اگے لنگھیا
‘‘سُنڈی ہے اِک ایس زِویں وِچ
پِھر گئی زہر ایہدا پَھل سمجھو ہویا
جِن چکھیا سو مویا’’
پَتر ملُوک ٹوہے جُھک واء نے
دُھپ نے نین ملائے
دائیں بائیں تھی گئے نیں پرچھاویں