”توپ ایہہ بھنگیاں دی اے؟
لگدی تے نہیں اوہ،
وڈے وڈے اوہدے پہیئے
تَن گَھن بھارا
یاں ہُن بھنگی چالو ویہار نُوں بھنگ کرن والے نہیں
بھنگ پی مستانے رہن والے
کوئی آ گئے نیں
اوہ توپ ریڑھ عجائب گھر وچ ساہویں
دھک دِتی نیں
اوہدی جائیں ایہہ کھڈاونا ڈاہیا اے،
تُسیں سنگیت دے وجری او،
ہے تے اوہا ای راگ
پر ایہہ کھیال نہیں ٹُھمری اے
اوہ وی فِلمی نقلی جیہی“،
”میں تے اوہا ای آں
اکھ تیڈی چِراں پِچھوں مینوں پئی ویہندی اے
اپنے پُرانے گھر جاؤ ورھیاں مگروں
تے اوہ وی اصلوں نِکا جیہا ای ہو ویندائے“