''بوتلڑیو نی
کیوں ڈھکن سِراں توں لاہ کے
اُبل اُبل
راہ جاندیاں دے مُونہاں نوں پئیاں
تَسّ دھگانی لاؤندیاں ہو،''
''نی اڑیو کیہ دسیئے
پچُھو نا اوہنوں جیہڑا اگلیاں اندر بھریائے،
جد تائیں ترُٹ کے پَیراں دی چوبھ نہ ہو گئیاں
وِکن اساڈا مُکنا ای نہیں،''
وِچلا بول پیا:
''کیہ دساں ہُن
تت ست میرا
ویچیا کیہناں
کِتھے لایا،
کیہ دھرایا میتھوں مُونہاں وِچ
کیہ کڈھا کے کِتھے سٹایا،
کیویں کہاں میں اوہا ای ہاں
جِس چُم خاک نوں جِیون گواہی دِتی''