فرید بھنڈار

وساکھ دوپہرے

سجر سُو    1اروڑیاں وچوں

سُوہے  کٹورے    دیہندے نیں ان چکھ نشے دے

اساں ایہناں نوں کیکن چھوہنا ئے

جد تائیں  ساڈے ہتھ نویں نہ ہوون

رسیاں جیہے لمیاں ہتھاں نال نبیڑے کر کے

اساں ایہناں وچ کیکن تکنے نیں

آپنے مگھدے متھڑے

جد تائیں اکھیں پک نہ پکاون سردا2  وار کرن دا

ساڈیوں اندروں اُٹھنے  نیں کیکن

زھر قہر دے بھنگڑے

کیکن   موُہدے مار دینے نیں اساں دھگان دے ڈھکنے

جد تائیں ساڈے ہتھ نویں نہ ہوون

نویاں  رلدیاں سنگیاں  دے ہتھ پھڑ کے

1-نویاں سوئیاں،2جتنے جوگی سکت ہووے-(سرنـسکت یاں وِت ہوون)