گھاہ تے مانا ڈِگا پیا اے
نِکڑے پیازی پُھلاں والی ول تھلے
ادھ بند کُھلیاں پُھلڑیاں تے مدناں جُٹیاں رہندیاں نیں
گھنا رس ہوسی پیازی بُلڑیاں وِچ
چُنگھ چنگھ مد کریندیاں ہوسن،
کیہ بنیاں
اج ول تے مدن کوئی نہیں
مالی صفائی کر گیائے خبرے چھتہ جھاڑ کے،
چراگو جھاڑُو پھیردی آہندی اے مانا تک کے
تھن ڈِھڈ ماواں دے ہوئے ایہہ خانے
اندر ماکھی اُپر دھریا ہوندا اے
تھلے آنڈڑے ہوندے نیں
کَیڑ ہو ونجے اوہناں نُوں
کوئی ماکھی لاہون پیا آوندا اے
آنڈے ماکھی چا اُتھاؤں ڈیرا ہوردرے کردیاں نیں
ایسے پاروں لاہون والے
چھہہ لاء کویلے آوندے نیں
دُھوں دے ساہ گُھٹ ماواں پرے کر
ممّے مروڑ نچوڑ کِھیر کھڑیندے نیں
نُچڑ جاندے نیں وِچے ای آنڈے
مانا= شہد دا چَھتہ- کِھیر= دُدھ-