رنگ کِکراں دا ہریا پانی
انبر نیل جگے
کرو آھر منائیے چیتر
اکھیں نیٹر سیک وچ وِسیاں
جیویں جنوراں سُونہہ پانی
رَتوں لُرکے لہر واشنا
رَتیں آن چڑھے
کرو آھر منائیے چیتر
سُوہیاں انگلاںکر کر سِمبل انبر نیل نوں چھیڑے
نکےِ نِکے بے دَکھ پُھلاں وچ سانولیاں خشبوئیں لہرن
ہوئے پیلے چَٹ رڑے
کرو آھر منائیے چیتر
ساڈیاں ہِکاں وچوں پکھنوں بچڑے
لوڑن پہل اُڈاری
جند روکاں نال کھیہے
کرو آھر منائیے چیتر