کنّ بھنوا کے
سُن وی لینی ایں تُوں
سُنن جوگی، مانو سیانِیئے،
تک وی لینی ایں اکھیاں مِیٹ1 کے
جیہڑا ویکھن لوڑیندا اے،
دھنوان2 پئے ڈیلے کڈھ کڈھ
تاڑدے رہندے نیں
کمیراں 3 نُوں،
ساہویں اوہناں دے
کیتی اوہناں دی کَھس گِھندے4 نیں
تے اپنی کر کے پِنّے اوہدے پئے وٹدے نیں،
سَٹ دیندے نیں
ہڈی کوئی تینوں کولوں ہٹاون لئی
سُنگھ بو اوہناں دے ہتھ دی
تُوں آپِیں موڑ کے مُونہہ
پرے ہو بہنی ایں
1- مِیٹن: بند کرن- 2- دھن وان: دَولتمند- 3- کمیر: کامے، ورکر- 4- کھس گِھندے: کھوہ لیندے-