''چڑھے جو میلہ لُٹن
لُٹیجے آپ اصلوں''
''میلہ تے ہویا ای لُٹن کیتے، پتہ جے؟
کیہ کُھسایا اساں، دسو''
''اوہ اصلا جو قدرت دِتا''
''قدرت دی تے نتھ کھول اساں دُنیا وسائی اے اسلحے اپنے نال
تہاڈی من مُڑ جنگل جنَورا کرئیے ایہنوں؟
روندے آئے تہاڈے ورگے گُنگ گونگلو
’میلہ کوئی دم دا‘،
اوئے میلہ تے ہوندا ای دم دماں سِر اے
پلّے نہ ہووے دھیلا تے ریلا ہو جائے میلہ
سو اساں تے لُٹن آئے آں لُٹ ای کھڑنا جے
صاف صاف جیہڑی گل اے
پَٹ لؤ تُساں جیہڑا ٹھانہ پٹنائے''