فرید بھنڈار

لنگھ گئی اوہ جَوگِنگ کردی

‘‘ایتنی ٹھنڈ وِچ کالا ٹائٹس گُھٹّنا تینڈا

چندن گیلیاں مَڑھدا آوے بھاویں

میں تینڈے مگر نہیوں جانا

ایتنی ٹھنڈ وِچ ٹی شرٹ اندروں لَکّا بنیا

جنگلی کبوتر گُٹک سُناوے بھاویں

بھوگ خیالی تینڈا مینوں راس نہیں آنا

ایتنی ٹھنڈ وِچ

تَھر تَھر گوگڑ لَک پستول جُھلائی بَھجدا مگر محافظ تینڈا

دڑ وٹ پِچھوں چاء پِین بہہ جاوے بھاویں

میں تینڈے مگر نہیوں جانا’’

موڑ میں مُڑیاں

دُوجی پھیری جَوگِنگ کردی لنگھ گئی اے اوہ اوویں

‘‘بھوگ خیالی مینڈا

تینڈے جوگ خیالی نالوں کیہڑے حسابوں کِتنا ک وکھرائے

سوچیں ذرا گھر جاندا’’

1 -جُگل= ڈائیالوگ، گل بات-