فرید بھنڈار

بُلبل غزلاں والی دا تے ساڈے کول ایڈریس کوئی نہیں،

ایہہ کالی واج وِچ کُوئیل1 مِینڈھ پئی لاوندی اے

سُن لؤ،

''ورھیاں بدّھی اگے دھریاں پَٹھیاں دی

کری جُگالی آئے او،

ہاڑی ساونی سَٹ دَھون پنجالی

لاہا بھرائی آئے او اوہناں دے چِت بھورے

گُنگ ڈورے کرائی آئے او مِلکھ وٹورے،

اوہ نک پئے سُنکدے نیں ہُن

ٹاکیاں لاہ اسمان دِیاں،

کر کے کَھنڈ کَھنڈ دھرت نُوں کھولا

پئے وٹوانی تُنکدے نیں،

میں ہُن جُلنی آں

1- کُوئیل= کوئِل-

مَنیا جی تاں آیو،

پندھ لمّا نہیں

کُوک مینڈی دے پِینگھ ہُلارے جِتنا ای اے

جُھوٹ ویکھو،

کیہ پتہ

جَھل1 سُنجا مُڑ اکھیاں اندر آن وسے''

1- جَھل= گھنا جنگل-