حضرتو
اِک ساڈی وی سُن لؤ
ہوندی آئی اے جیہڑی بتھیری ہو نہیں گئی
میر تیر ہنیری،
رب دی بَھلی دَسیندے او
گوہ کرو پَل دَھن ول
نِند کمیندے او جیہڑا
سُنیا تے ہوسی تُساں
دھن وانڈھی تے رب گوانڈھی،
پَنڈ حرفاں دی دھر سِر ساڈے اپنا کیوں لک دوہرا پئے کریندے او
وچارو آہر
رہے نہ پَنڈ تے نہ کوئی پانڈی
چُلھ سوارو
چوء بُھکھ دا لے1 پیا لاہوندا جے ڈاہیا وڈیاں دا
کُل رجے رل چاڑھو ہانڈی حضرتو
جگ پُندے او سُتے جگیندے
گُھٹ اپنی وی پُن لؤ
1- لے: لیپ، گارے دی لِپائی دا ردّا-