”بھائی جی گلی دیاں کُتیاں دے
مگر نیں پے جائِیدا
بس دبکا شبکا مار وگائِیدا اے،
مگر پوو تے تُرت مُہاڑ تُہاڈے دے
بھیتی ایہہ تھی ویندے نیں،
ونو ون ڈھنگاں نال شرِیکاں لئی
مرکھائی1 تُہاڈی کردے نیں“
”چنگے جانو او کُتیاں دے تُسیں“
”پِیڑھیؤ پِیڑھی نال گال کے بھائی جی
آپ وی اَدّھو سُدھ کُتِیکے2 ہوئے پئے آں،
ایویں تے نہیں مرکھائی ایہہ ساری
اگے تُہاڈے پئے دھردے“
1- مرکھائی= 1) مُخبری، 2) مُخبری دا عِوضانہ-
2- کُتیکے= کُتیاں وِچوں (کُتیک= کُتیاں دی ڈھانی)-