اٹھاں دساں ورھیاں دی بِنگو
مچھیاں رکھن دا شوق اے،
نِکیاں مچھیاں بِنگو دِیاں
چھے مرتبان وِچ تَردِیاں نیں
پنج نیں لاکھیاں
چھیویں وِچ پئی
نِیلے ہرے بدامی کئیں رنگ چھنڈدی جے،
کھلاں تے چمک جیہی
تاری وِچ جھلکارا پَل پَل ست رنگیا،
میں آکھناں ''ایہہ وِچ ملکہ اے رانی مورنی ایہناں دی
کپڑے لاہ لاہ خلعت کر دربارِیاں نوں پئی ونڈدی جے''
ہسدی اے بِنگو:
''مینوں للارن لگدی اے
رنگ رنگ اندروں کپڑے پئی پواندی اے ایہناں کُڑیاں نوں''
شامِیں بِنگو دُکھی ہوئی پئی دِسدی اے
''دو ٹُر گئیاں نیں''
''کیوں کیہ گل ہوئی اے'' پُچھناں
''مرتبان وِچ دِل نہیں نیں لگّا
گھر جو سمندر ہویا''