اساں کیہ لِکھنا اے
ہے ہر پل نویں اَکتھ کہانی
ہر جی اندر
گِنو نہ کتنے ہوئے نیں پل جی ہُن تائیں
مُڈھ لاء
کتنے کیہ ہس روئے نیں
نِت گِن مِن پُوریاں پائیاں جے
کسب تہاڈائے اساں کیہ لِکھنا اے
کتنے ورھے نیں مِینہہ
گِنو نہ کنیاں
کتنے سمندر سُک چڑھ گئے اسمانیں، مِنو
کتنے روڑ پنڈاں دے
رُڑھ شہر ٹُھکے وِچ کندھاں پَوڑیاں
گِنو ہتھ، کھول بوریاں،
کر کر جیہڑے بھرتی بھرے نیں بھورے،
گِنو لوریاں
جیہناں گجدے شِینہہ سوائے
ڈر ڈر سَوندے بال پلوس جگائے جیہناں،
بھر کھاتے جیہڑے کر کے سرہانا سوندے او
اوہا گھول پیو،
لِکھیا اساڈا وگیا وِچ زِویں دے
پڑھسن اوہ جیہناں اپنے گِنے گوائے