فرید بھنڈار

چڑھ گیا اے اَمَل1 اُماہڑا2

ایہنے تے ہُن لہنا ای نہیں

اساں تے ایہنوں کُجھ کہنا ای نہیں،

دَورہ سانُوں کراونا اے ایہنے

اوہناں مُلکاں دا

جیہڑے جَگ تے لتھے ای نہیں اسمانوں،

کُوکاں جِتھاؤں آوندیاں نیں

''ایس زِویں تے جے وسنا جے

تاں پھیرو ایہدے تے رندے3

کُھرچے جاون

مڑھے جُگاں دے وِسّل4 دندے''

اَمَل اُماہڑا مست نہیں جے کردا

ساودانی5 دا جُھمر پوا کے

دِن دی وردی لہاوندا اے،

1- امَل: 1) بِنا مَلّ، 2) نشہ- 2- اُماہڑا: اُبھرواں – 3- رندا: لکڑ سواہری کرنہار ترکھانا اوزار-

4- وِسل: وِس (زہر) بھرے- 5- ساودانی: ہوش، عقل-

ننگ پہرا1 کے آکی2 دا

رات اننت3 جگاوندا اے

1- پہراون: پہناون- 2- آکی: نابر، باغی- 3- اننت: ان مُکنی-