فرید بھنڈار

پتر چِڑی دی چُنج جھرِیٹ دا ہان ہووے

توڑے ٹانگ نشان

لنگھدے راہی پاہی نوں کول سدیندا اے:

“تینڈی ناہی مینڈی آہی،

آہی مینڈی تینڈی ناہی

تینڈا کڈھیا میں سموواں

سرے سار پروار،

مینڈا چھڈیا پُھوک مینڈے وِچ

ونجھلی عشق وجاویں

آہو، مینڈے وِچ

میں رُکھ نہیں؟

دھرت سُورج نہیں تیں؟

بولی تینوں ناواں دی باندھے بنھیا ہے،

آ میل تلی

پوتھا ارتھ دا کر1 سموئے

تینڈا کرم2 بناوے

-1 کر= ہتھ- -2 کرم= عمل، کم، کرنی-

ایہہ جو جنگل رُکھڑے ہرِئیل پت تِنہاں

پوتھا لِکھیا ارتھ دا ایکس ایکس مانہہ

(فرید)