سِکن ایہہ ہوٹھ پئے
کِنج مِلیئے دُھنّی کی
دُھن میل تانگھ نی رچ جِتھاؤں پندھ پئی پَینی اے
وت کِنج تھناں کی
چُنگھ جیہناں نا دَھن رس دُھن سُر تھی وَینی اے
اوہ دَسنے نیں دُھن کی وارو واری
’ایہہ دَھن رس پالنہار
مال منال کی وِس ای‘،
سِکن ایہہ ہوٹھ پئے
گل کی کِنج مِلیئے
دُھن جِتھ رات گُذار
سُننی اے پئی جِبھا کنوں
خلق نی جوڑی وار
وت رنگ راگ تھی تاناں وِچ ڈھلینی اے،
سِکن ایہہ ہوٹھ پئے
کِنج بُل دھرسالے دھرئیے اپنا آپ
لنگھ جِتھوں دُھن کنِیں لہہ کے
روم روم کی سجر کرینی
مَلّ دھگان نی وردی لہا کے ننگ پریت پہرینی اے